ليه ماجتيش بدرى

للفنان النيويوركى المجدع إدوارد هوبر

انتى ليه ماجتيش بدرى ؟
قبل ما أكبر
وقبل العمر ما يجرى
قبل شبابي ما يتحول صور
قبل ما أنام وأنا ببكى
ليه ما جتيش بدرى ؟
مش غريبة اقابلك دلوقتى
بعد ما بطلت أحلم
أو أرسم
أو أحكى
بعد ما همى بقى كنزى
ليه ما جتيش بدرى؟
قبل الحزن ما يكون صاحب
قبل ما أدارى الشعر الشايب
وقبل الفرح ما يصبح ذكرى

                   ###
إهداء إلى التى هى لن تعرف نفسها وأبدا لم تأتى بدرى